విరించిll  త్వమేవాహం ll
-------------------------------

అతడి పేరడిగాను
సాటి మనిషన్నాడతడు
ఎంతటి అద్భుతమైన పేరది...!!

తెరలు తెరలుగా
 పొరలు పొరలుగా మాట్లాడాడతడు
అంతఃపురాన్ని అరుగుమీదకు తెచ్చినట్టు

అతడపుడే బోధించాడు

హృదయానికీ లోకానికీ
ఒక్క ఛాతి ఎముకే అడ్డమనీ
హృదయానికీ మెదడుకూ
ఒక్క మనిషి ముఖమే దూరమని

కుల మతాలూ
పాప పుణ్యాలూ
పదాల పీనుగులైపోతే...
నడిచే మనిషే మనిషని.

పోతూ పోతూ  నా పేరడిగాడు
సాటిమనిషన్నాను
అద్దంలా నవ్వాడతడు.

15-1-17