ఓ స్త్రీ "రేపు" రా !!
ంంంంంంంం
అపుడెపుడో మా యింటి గోడమీద
వేలాడుతున్న జ్ఞాపకం
సెకండ్ షో సినిమాకి సాంతం
టికెట్లు ఇవ్వడం ఆపేసిన రోజులు
అర్ధ రాత్రి మగవాడు సైతం
ఒంటరిగా తిరగలేని రోజులు
ఒక చనిపోయిన ఆడ మనిషి
చదువుకున్న దయ్యమై తిరిగే రాత్రులు
"రేపు"కి అర్థం మార్చేసిన ఈకాలంలో
ఆ దయ్యం మల్లీ తిరిగితే
దేవతలా పూజిస్తాను
నిస్సహాయులైన నిర్భయలను పూనితే
గుడులే కట్టిస్తాను
స్త్రీకి స్త్రీయే రక్ష
అది దేవతయినా దయ్యమయినా
అందుకే ఆ మగరాక్షస మర్దిని కి
నా ఆహ్వానాలు
ఓ స్త్రీ 'రేపు' జరుగుతోందిక్కడ
తొందరగా మరలి రా...