జాతకం ll విరించి ll

జాతకం ll విరించి ll
........................
మనుషులూ నక్షత్రాలు
గ్రహాలూ బంధువులూ
ఆకాశమూ, భూమి

కనుచూపు మేరలోనే
భూమ్యాకాశాల కలయిక
నాసాలో, ఇంకా తొలిదశలో..

మనిషి గీసుకున్న నమూనాలు
ఆకాశంలో పన్నెండు దేశాలు
భూమ్మీద నూటతొంభైయ్యారు రాశులు

కొండలు, సముద్రాలు, కాంతి సంవత్సరాలు
మనసులు దూరాలు దూరాలు

బిగ్ బ్యాంగ్ లో జన్మ కుండలి
కృష్ణ బిలం లో ఒబిచ్యువరీ

అవును, విశ్వం వ్యాపిస్తోంది

మనుషుల ప్రభావం నక్షత్రాల మీద
ఒంటరితనం.

7-10-16